Supu ya choroko

Chukua kontena la ukubwa wa wastani. Weka kikombe 1 cha maji, kisha roweka choroko ndani ya hilo kontena lenye maji kwa muda wa dakika 30.

Chukua sufuria kubwa. Weka kwenye hilo sufuria, choroko pamoja na maji uliyotumia kurowekea choroko, binzari ya manjano, chumvi, pamoja na vikombe 2 vya maji, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto wa wastani, halafu acha iendelee kuchemka huku ukikoroga mara kwa mara kwa muda wa dakika 20 mpaka 30, au hadi utakapo ona choroko zimeiva, kisha epua na uweke pembeni ili ipoe.

Chukua mashine ya kusaga (blender). Weka mchanganyiko wa choroko ulio chemsha kwenye hiyo mashine ya kusaga, kisha saga hadi utakapo ona choroko hizo zimesagika vizuri na kuwa laini. Ondoa mchanganyiko huu kwenye mashine ya kusaga na urudishe kwenye sufuria.

Weka tangawizi kwenye mashine hiyo hiyo ya kusaga, kisha saga hadi utakapo ona tangawizi hiyo imesagika vizuri na kuwa laini. Ondoa tangawizi kwenye mashine ya kusaga na uweke kwenye sufuria lenye mchanganyiko wa choroko.

Weka pia vikombe 4 vya maji vilivyobaki kwenye hilo sufuria, halafu koroga vizuri, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto wa wastani, kisha funika sufuria na uache iendelee kuchemka kwa muda wa dakika 5.

Chukua sufuria dogo lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, mbegu za haradali, binzari nyembamba, pilipili manga, pamoja na majani ya mvuje, kisha kaanga huku ukikoroga mara kwa mara kwa muda wa sekunde 30. Epua mchanganyiko huu na umimine kwenye sufuria lenye supu, kisha koroga vizuri.

Weka pia limao pamoja na majani ya giligilani halafu koroga tena vizuri, kisha acha ichemke.

Ukiona supu imechemka, epua na upakue kwenye chombo safi, tayari kwa kula.